Téma kang kaangkat déning novel pangriptané Soeratman—salah sawijining pangripta Balé Pustaka, sing duwé missi nyengkuyung modhèrnisasi kang diwulangaké déning Pamaréntah minangka piranti kanggo nyebaraké lan nggegulang Politik Étis—ora adoh karo missiné Pamaréntah wektu samono. Ing novel iki Soeratman nggarap konflik antarané generasi mudha karo generasi tuwa ngenani bab nikah peksan. Akéh banget novel sing nggarap téma iki, embuh basa Melayu (sadurungé ana “Basa Indonésia”) embuh basa ibu (saiki sinebut basa daérah), “amenangaké” generasi tuwa, sing biasané temahané generasi mudha “kang kalah” mau tumiba ana ing kasangsaran. Ing Katresnan iki, pangripta ngliwati tokoh Mursiati kasil njugaraké dominasi nikah peksan, kanthi argumèntasi kang “nyekolahan” lan jinurung déning “katresnan” kang gedhé marang pacangané (Sutrisna). Ing novel iki, akéh piwulang kang migunani, utamané bab-bab spiritual kang dialami paragatama, kanggo para maos. Sumangga!