Crita seri Detektip Handaka wis kondhang banget ing taun 1960-1990-an ing kalangan Sastra Jawa modern. Crita- critane gagrak anyar, ngudhari wewadine kadurjanan, basa Jawane teteh populer gampang dimangerteni, nanging tetep nugoni pakeme tata basa.

Sanggar, sawenehe wakil direktur perusahaan dagang mbutuhake jurutulis kanggo kantor cabange sing ana ing Tretes, kutha cilik ing wilayah pegunungan. Dheweke ngirimke surat panggilan marang calon jurutulise sing anyar supaya gage mlebu nyambutgawe. Jurutulis anyar mau jenenge Handaka, pakaryane dadi detektip.

"Sing dibutuhke niku jurutulis. Ning sing sampeyan timbali kok detektip? Enten napa?"

Lan kuwi uga dadi pitakonane para sing maos novel iki. Supaya oleh jawaban, waosen wae buku iki.

----
Pengarang Suparto Brata asmane wis kecathet ing buku Five Thousand Personalities of The World 1998 terbitan The American Biographical Institute, Raleight, North Carolina 27622 USA.

Taun 2007 dipilih kadidene salah siji saka cacah telu sastrawan Indonesia sing oleh penghargaan dening Menteri Pendidikan Nasional Indonesia, Ian dipilih nampa hadhiah The S.E.A. Write Awards saka Kerajaan Thailand